რომელი ფსიქოთერაპიული მიდგომა ჯობია. როგორ შევარჩიოთ ფსიქოლოგი და ფსიქოლოგიის მიმართულება. როგორ გადაიქცა თანამედროვე ფსიქოლოგია მარკეტინგად და რა უნდა გავითვალისწინოთ ფსიქოლოგის შერჩევისას.

იმისათვის, რომ სწორად შევარჩიოთ მეთოდი, უნდა გავიაზროთ რისთვის გვინდა ეს. ჩვენ ვეძებთ რაიმე ლუკმას თუ თავად ვცდილობთ გადარჩენას? სხვადასხვა მიმართულებები სხვადასხვანაირად ახდენენ დიაგნოსტირებას. განსხვავდება როგორც დიაგნოსტირების ხარისხი ისე დრო. მე ვფიქრობ სწორედ აქ არის საჭირო თვალთახედვის გაფართოება და სხვადასხვა თეორიების კომბინირება.

მე არ მესმის იმ სპეციალისტების, რომლებიც ამტკიცებენ, რომ არ შეიძლება სხვადასხვა მეთოდებით ერთდროულად მუშაობა და საჭიროა გამოიყენო მხოლოდ ერთი. მთავარი ხომ მაინც პრაქტიკაში არსებული რეზულტატებია და არა შეჯიბრი «ვისი მეთოდი აჯობებს».

კი არსებობს სხვადასხვა მეთოდები, მაგრამ ის რაც დღეს ხდება, არაა აზრების და თეორიების კონკურენცია. მე ამას მარკეტინგს დავარქმევდი, თითქოს ცდილობენ თავისი მეთოდის გაყიდვას. დიდი ბიუროკრატიული სისტემა და გაყიდვების სტატისტიკა ტრიალებს, რომ რომელიღაც მეთოდი გახადოს მოთხოვნადი. რატომ? იმიტომ, რომ მიიზიდონ მეტი კლიენტი, რომ გაყიდონ სერტიფიკატები, რომ დააგროვონ ავტორიტეტი. სინამდვილეში კი ჯადოსნური მეთოდები არ არსებობს. არიან კარგი სპეციალისტები, ისინი ხედავენ რეალური სურათის დიდ ნაწილს. არიან ცუდი სპეციალისტები, რომლებიც ცდილობენ მოგყიდონ საკუთარი «ჯადოსნური მეთოდი». ჩემი აზრია – რაც მეტ მეთოდს ფლობს ფსიქოლოგი, მით უფრო იზრდება სწრაფი წარმატებული შედეგების ალბათობა.

საბოლოო აზრები: არ არსებობს «საუკეთესო» მეთოდი

თუ ეს გვერდი გახსენით იმ იმედით, რომ გაიგებდით რომელი მეთოდია მაგარი, მაპატიეთ… საუკეთესო არ არსებობს. არის კონკრეტული შემთხვევა და თავად მონაწილეების განწყობა. არანაირი პრაქტიკა არ დაგვეხმარება თუ არ არის შესაბამისი პასუხისმგებლობა. ჯადოსნური ჯოხის რწმენა არის გაქცევის ერთ-ერთი მექანიზმი. თუ გვინდა სერიოზული ცვლილებები, უნდა შევარჩიოთ სპეციალისტი, რომელიც სერიოზულად «მოგვაწვება». კარგი, ხარისხიანი ეფექტისთვის საჭიროა როგორც პოზიტიური ისე ნეგატიური მიდგომა და ემოციები. დისკომფორტი ყოველთვის კომფორტზე უკეთესი საწვავია. დისკომფორტი თუ არ განვიცადეთ არ მოგვინდება ადგომა და სხვაგან გადაჯდომა.

ზი ენდ